team

  • Petra Cahannes

    menadra dil biro a Glion

    Suenter igl emprendissadi mercantil haiel jeu dau adia per 4 meins e semessa sin via a San Diego, USA. Miu emprem grond viadi, il qual che ha menau mei el lontan lunsch naven da casa e ha silsuenter dau a mi il tschaffen per viagiar. Il desideri dad ir en tiaras jastras ha schon gia cuort suenter miu retuorn puspei menau mei el lontan, quella gada Korea dil Sid, Giapun e Tailanda. La hospitalitad e l’aviartadad da quellas tiaras han impressiunau mei. 2015 ha la febra da viagiar puspei menau mei anavos ell’USA ed jeu sundel semessa sin via el « Sunshine State » Florida a Miami. Miami che ha ina reputaziun sco metropola da cruschadas cugliuna. Cura ch‘ins mira pli exact, porscha quei marcau bia cultura, ina cuschina creativa ed in stil da viver dall’America dil Sid; la quala jeu haiel saviu guder e viver per in onn.

    Hobis: viagiar, musica, snowboard, tennis, magliar bein

    Vossa specialista per: USA, Caribica, Asia, Europa

  • Jessica Caprez

    cussegliadra da viadis

    Miu emprem grond viadi ha menau mei ell’America. El fratemps sun jeu gia stada pliras gadas els Stadis Uni e sun adina puspei fascinada dalla natira, dalla diversitad e vastadad. Sco cuntrast al vest visetel jeu fetg bugen las tiaras asiatas cun lur tradiziuns, culturas, tratgas e religiuns multifaras. Il pli fetg a cor stattan a mi las tiaras digl Orient, surtut ils Emirats Arabs, igl Oman e la Jordania. E sin tut mes viadis astga ina caussa buca muncar: mia camera da fotografar.

    Hobis: viagiar, fotografar, mirar films e serias, ir si mises, dar tennis

    Vossa specialista per: viadis en tiaras lontanas, Africa, Stadis Uni, Asia, Emirats Arabs Uni, Oman ed Europa

  • Rita Derungs

    cussegliadra da viadis

    Guder il tipic fried dalla cuschina thailandesa a Bangkok, empruar differentas tapas duront ina show da Flamenco ad Andalusia ni guder in bien rum ella enconuschenta bar Rick’s a Jamaica. Quei sauda semplamein vitier tier in viadi en novas culturas. Naturalmein astga cheu era buc nies vischin l’Italia muncar. Apulia porta vitgets idillics, aua clara sco glas ed ina grondiusa tratga. A Sardinia vegnan ins pupergnai da rivas alvas. Ina cuschina mediterana spetga vus sin ina tura d’auto atras la bellezia cuntrada da Corsica. Ni astgi forsa esser zatgei exotic? Scuvrir las differenzas dallas inslas Seychellas egl Ocean Indic, ugheghiar in viadi sin il flum atras Laos ni sfunsar en ina tiara da tiers sin ina safari ell’Africa dil Sid.

    Hobis: viagiar, sport, magliar bien, mia famiglia

    Vossa specialista per: Asia, vacanzas da famiglia, Grezia

  • Andrea Engel

    Possessur

    Viver il mument a moda variada ed individuala - quei ei mo ina dallas fassettas che fan il mund dil viagiar aschi coluraus ch’el fascinescha mei dapi varga 20 onns. Tuttina sch’ei va per organisar las vacanzas en in club adattau per famiglias alla riviera terca, vacanzas da golf egl Orient Extrem, viadis da fatschenta ni viadis luxerius entuorn il mund sin bastiments da cruschada gigantics - la multifariadad dallas pusseivladads s’exprima era en Vossa tscherna persunala dallas destinaziuns. Jeu selegrel d’astgar parter cun Vus mia pissiun per il viagiar.

    Hobis: passentar temps cun la famiglia, viagiar, dar tennis, dar golf e far sport en general

    Vies specialist per: viadis en tiaras lontanas, viadis per famiglias, viadis da golf, cruschadas, sgols e viadis da fatschenta

  • Ingrid Suenderhauf

    cussegliadra da viadis en mandat da freelance

    In bi pastget verd sut ils peis, l’egliada drizzada viers la plazza da golf bein tgirada, in moviment da sittar concentrau - ils giugaders da golf denter Vus san tgei fascinaziun che quei sport sa haver. Cumbinei era Vus Vies viadi dils siemis cun la pusseivladad da sededicar a Vossa pissiun. Viagei en Scozia, il liug d’origin dil sport da golf, gudi la bellezia culissa sin l’insla vulcanica Teneriffa ni schei gustar ils deletgs gastronomics talians e dei era gest aunc ina partida sin las plazzas da golf magnificas dalla Sicilia, l’Italia dil nord e la Toscana. Jeu selegrel d’astgar cussegliar Vus risguardond Vos giavischs e Vossas spetgas persunalas.

    Hobis: viagiar, dar golf, viandar, guder bunas tratgas

    Vossa specialista per: viadis da golf, viadis en marcaus sin igl entir mund, Irlanda, Scozia, Italia, Spagna